بكيتك لين ما حن الرصيف

عـلـى ركــن الرصـيـف الـلـي قـــد جمـعـنـي فـيــك
نزفـت بلحظـة غيابـك.. وشـقـت دمعـتـي خــدي,,

بكيتـك لـيـن مـاحـن الرصـيـف وقــال لــي يكفـيـك
وجاوبته وانـا اصـرخ : تركنـي للأسـف وحـدي,,

حبـيـبـي لـيــش قصـتـنـا تـعـثــر حـظـهــا بـيـديــك
تـرى خمسـه يسألـونـي ومــات بداخـلـي ردي ...

اولها فـؤاد ارخـص الدنيـا وهالعالـم لجـل يشريـك
وعـيـن لــو احايلـهـا تـنـام تـقـول مـــاااا ودي ,,,

و روح لــو اخيـرهـا... بتتركـنـي وتـسـكـن فـيــك
وصــوره تحتـضـر فــي مـلامـح وجـهـك الــوردي

وخامسها الرصيف اللي نقش في صفحته ماضيك
حبيبي كيف اجاوبهم ؟؟؟ وصلت من التعب حـدي

تحديـت الخطـر لجلـك وحاربـتـه عـشـان ارضـيـك
ويوم احلـوت ايامـي كسـرت السيـف فـي يـدي ؟؟

بساااافر وش بقى عندي عشان اكثر بعد اعطيـك
عطيتـك اجمـل ايامـي وحالـفـت الـزمـن ضــدي...

وكـنـت بمـوعـدي احـمـل زهــور يانـعـه واهـديـك
وصــرت الـيـوم احملـهـا وتـرجـع ذابـلــه عـنــدي

وكل اللي بقى .. ذاك الرصيف اللـي جمعنـي فيـك
ازوره يــوم اشتـاقـك وتـجـرح دمعـتـي خـــدي ...