يا زين ارحم حالتي ياغناتي

من زود حبّك جيتك بكل ذاتي
واشكي غيابك يابعد كل مزيون ~

خلّك رحوم بحالتي يامناتي
طال الغياب وضاق بعيوني الكون

ليه الجفا وانت الوحيد بحياتي
مدري تغلي أو دلع منك وفنون ~

يا زين ارحم حالتي ياغناتي
يكفي تعذّب واحدٍ فيك مفتون

حرمتني حتى الخشوع بصلاتي
واسهرتني يوم الاوادم ينامون ~

عقلي ثقيل وكان أحلا صفاتي
وخليتني أمشي مع الناس مجنون

الغالي لو في وصالك وفاتي
راضي ولا أقبل غير قربك وممنون ~

الموت عندك راحتي وامنياتي
ومعك الدقيقه تنشرى بالف مليون

رفّق بي لين اكتب وصاتي
واطلب سماح اللي يبي منّي ديون ~

من بعدها لو تحكم بمماتي
عمري وكل اللي تبينه لك يهون ~





مما راق لي ..~